Stoks

30.07.2019 08:41 Muzaffar Qosimov Xalqaro birliklar tizimi - SI - Tizimlashmagan birliklar
Chop etish
Maqola Reytingi: / 3
Juda yomon!A'lo! 

Stoks

Stoks – fizikada va asosan sanoatda qo‘llaniladigan kinematik qovushqoqlik birligidir. O‘zbekcha va xalqaro belgilanishi St (кирилл алифбосида Ст). Birlik nomi ingliz olimi ser Gabriel Jorj Stoks sharafiga qo‘yilgan. Stoks birligi amaldagi Xalqaro Birliklar Tizimi (SI) ga kirmaydi; u muomaladan chiqarilgan SGS tizimi birligidir. Xalqaro metrologiya qonunchiligi tashkiloti tavsiyasiga ko‘ra, stoks birligini milliy qoidalarga asosan, muayyan xos sohalarda qo‘llashga ruxsat etiladi.

Ta’rifiga ko‘ra,

dinamik qovushqoqligi 1 puaz bo‘lgan va zichligi 1 gr/sm3 bo‘lgan muhitning kinematik qovushqoqligi 1 stoks deb qabul qilinadi.

Kinematik qovushqoqlik, dinamik qovushqoqlikning muhit zichligiga nisbatiga teng bo‘lib, muhitning muayyan sharoitlardagi – og‘irlik kuchi ta’siridagi qovushqoqligi haqida tushuncha beradi. Kinematik qovushqoqlik suyuqlikning og‘irlik kuchi ta’siri ostida, kalibrlangan kapillyar viskozimetrdagi tirqish orqali muayyan vaqt birligi ichida oqib tushishiga asosan aniqlanadi.

Ta’kidlash joizki, kinematik qovushqoqlikning SI ga ko‘ra birligi – m2/soniya bo‘ladi. 1 stoksning SI dagi muqobil qiymati: 1 St = 1 sm2/soniya = 10−4 m2/soniya ga teng bo‘ladi. Amalda ko‘pincha, qulayroq bo‘lishi uchun, santistoks ulushli birligi qo‘llaniladi. sSt (cSt) tarzida belgilanadigan santistoks = 1 mm2/soniya = 10−6 m2/soniya ga teng.

Ayrim moddalarning kinematika qovushqoqligining stoks birligida ifodalanishi:

Modda

Harorat

Kinematik qovushqoqlik,
santistoks (sSt)

Chuchuk suv

20

1,011

M-100 markali Mazut

80

118

M-100 markali Mazut

100

50

Dizel yonilg‘isi,

20

3-6

Ammiak

−17

0,30

Dengiz suvi

20

1,15

Glitserin 100%

20

648

Kerosin

20

2,71

Asal

38

73,6

Sut

20

1,13

Simob

20

0.118

Oltingugurt kislotasi 100%

20

14,56

Freon-12

20

0,27

Paxta moyi

38

37,9

Sirka

15

1,35


Bizni ijtimoiy tarmoqlarda ham kuzatib boring:

Feysbukda: https://www.facebook.com/Orbita.Uz/

Tvitterda: @OrbitaUz

Google+ : https://plus.google.com/104225891102513041205/posts/

Telegramdagi kanalimiz: https://telegram.me/OrbitaUz

Yangilаndi: 30.07.2019 08:53